كيفاش نعمل حكايتي في فيلم ؟

اول و اهم حاجة هي انك تسجل حكايتكم في فوكال بصوتك و الي هو بش يركب علية احداث الفيلم الكل مبعد

ثاني حاجة : تبعثلي تصاوركم مش لازم مبعضكم في نفس التصويرة ، المهم يكونو وجوهكم واضحين بش نجم نعمل الشخصيات الي تمثل كيفكم

. و تشبهلكم بالضبط

ثالث حاجة : التفاصيل الي تحبها تبان بالضبط في الفيلم متاعكم هنا تحكيلي على الفيلم كيفاش تحبو

b scène b scène .بش يجي اقرب للواقع

و بالطبيعة تختار انت الغنايات الي تحبهم، و كان تحب اي حاجة آخرى تقولولي و نتفاهمو ، المهم تخرجو فرحانين و يجيك الفيلم متاعك عالايميل و على اي حاجة آخرى تحبها :

Fb, WhatsApp … . الي تحبو انت

قداش ندفعلك فلوس ؟ 

بالنسبة لل

prix

: حسب ما انت وشنوة تستحق بالضبط

1-

: تحب على فيديو بش تهني الانسان الي تحبو بمناسبة عيد ميلادو و الآ اي مناسبة آخرى مع برشا كلام حلو

: تنجم تسجل فوكال طولو مابين دقيقة و دقيقتين

( entre 100 et 150 DT )

-2

تحب تحكي حكايتكم باختصار و تتذكرو كيفاش بدات و كيفاش تعرفتو و كيفاش اطورت علاقتكم و تهنيه بالمناسبة متاعكم مع برشا كلام حلو

تنجم تسجل فوكال مابين دقيقتين و ثلاثة دقايق

( entre 150 et 200 DT )

-3

تحب تتعمق في حكايتكم كيفاش بدات و شنوة حسيتو و كيفاش حبيتو بعضكم و التفاصيل الي عيشتوها الباهية

و الخايبة و برشا كلام و تهانيه بالمناسبة متاعكم

تنجم تسجل فوكال طولو مابين ثلاثة دقايق و اربعة دقايق

( entre 200 et 250 DT )

السوم انت تختارو على حسب شنوة تستحق و شنوة الي تحبو بالضبط.

كيفاش نخلصك ؟

الخلاص ديما بالمسبق تنجم من اي بوسطة و الا مالبانكة و الا ويستارن كانك تعيش البرة و هنا بالرسمي نشكركم في الناحية هذه على ثيقتكم فيا شخصيا قبل الثيقة في خدمت

: اسئلتكم الي ديما تتعاودلي

: لالزم الفيديوات الكل تبرطاجيها و الا تنجم تبقى بريفا

بالعكس انا اغلبية الفيديوات الي خدمتهم بش مانقولش الكل خدمتهم بريفا و ديما بريفا منهبطش الا ما اصحاب الفيلم هوما الي يطلبو مني نهبط برغبتهم هوما و ماخذة بالخاطر

اول ما نبدى في الخدمة نبعثلكم الشخصيات متاعكم كيفاه خرجو

En 3D . بش كان فما تبديل حاجة فيهم و الا اي ملاحظة تتصلح بش يجيو قراب ليكم كيما في الواقع

آخر و اهم حاجة نبقى نستناكم تتفرجو على الفيلم متاعكم و تعطوني رايكم و بالطبيعة حتى كان فما اي حاجة نبدلوها المهم تخرجو فرحانين و تحكيو عليا بالباهي

و الحمد الله إني الى حد الآن نجحت نفرحكم و نودكم بأحسن نتيجة و ان شاء الله ربي يقدرني و نزيد نطور من روحي و من خدماتي ليكم